Shillong, Naitung, 29: Uwei u Pulit Home Guard ia uba la kynnoh ba u dei uba ju mlien ban kren kynshleiñ bad jrong kti ia ki khynnah skul kiba pule ha kawei ka skul kaba don ha nongbah Shillong bad leh ruh ia ki kam ba sngewsait met ban sngap, mynta ka kynti u la ngat ha ka shrip jong ki katto katne ki Kpa jong ki khynnah skul kiba la buddien bha ia u la kumba katto katne sngi.
Hadien ba la ïoh bat ia une u Pulit Home Guard ki la leit ban aiti noh sha ki Pulit jong ka Sadar Police Station ban leh ia kaba donkam.
Katkum ka jingiathuh jong uwei u rangbah uba dei u kpa jong iwei i khynnah skul ba la shah jrong kti, u la kynnoh ba une u briew u dei uba ju mlien bha ban shong kai ha ki maw kyndon kiba don markhap bad kawei ka skul ryngkat ka dih kiad sahuh wat ha ka por mynsngi mynshai.
Tang shu ïoh jingtip ia kane ka jingjia, u kpa ryngkat bad ki paralok kiba la ap shrip naduh ka sngi Thohdieng jong ka taiew baladep ki la ïoh bat ia une u briew ha ka Lah Sngi U Blei ha ka por kumba 3:00 baje noh sngi.
