Shillong, Nailur, 05: Ryngkat lang bad ka ri India baroh kawei, ka Jylla Meghalaya ruh mynta ka kynti ka la rakhe ïa ka sngi burom jong ki nonghikai ha ka sngi Palei ha ka jingïalang kaba kyrpang kaba la long ha U Soso Tham Auditorium, Shillong ha kaba u Myntri Rangbah ka Jylla u Conrad K. Sangma u la long kum u Kongsan, katba u Myntri ka tnat Pule Puthi u Rakkam A. Sangma u la long kum u Symbud Kongsan.
Ha kane ka sngi, u Myntri Rangbah u la pyllait paidbah ruh ïa ka Chief Minister’s Initiative to Maximize Pass Achievement and Classroom Triumph ne ka CM IMPACT Programe khnang ban pynduna ïa ka jingphiel jong ki khynnah skul kiba ïakhun ïa ka eksamin Secondary School Leaving Certificate hapoh ka jylla bad nalor kata, la pyllait paidbah ïa ka Curio Bee’s Learning Box, ka Teaching Learning Materials for developing Foundational Literacy and Numeracy Skills na ka bynta ki khynnah rit kiba dang sdang pule naduh ka class Nursery haduh Class-3, ka jingpyllait paidbah ïa ka Science Discovery Kit, na ka bynta ki khynnah class 6 haduh class-8 kynthup ruh ïa ki Booklets ba la pynmih da ka SSA/DERT bad ka PM POSHAN.
Kum ka jingithuh ïa ka jingaiti lut, ka jinglen lade bad ïa u synniang u bynhei ba ki la noh sha u sup u thiar jong ka pule ka puthi ban saindur ïa ka lawei jong ki khynnah skul, ka Sorkar Jylla ka la pynkup burom ïa ki 50 ngut ki nonghikai kiba hikai ha ki skul jong ki districrt bapher bapher jong ka jylla.
Ïa ki khusnam la sam da u Myntri Rangbah ka Jylla u Conrad K. Sangma uba la long kum u Kongsan, ryngkat u Myntri ka tnat Pule Puthi u Rakkam A. Sangma, u Chief Secretary jong ka Jylla u Bah DP Wahlang, u Commissioner and Secretary ka tnat Pule Puthi u Vijay Kumar Mantri, u Director ka State Education and Literacy u Swapnil Tembe, u Adviser ka tnat Pule u Bah HM Shangpliang bad kiwei kiwei.
Ki 14 ngut ki nonghikai kiba la ïoh pdiang ïa ka State Awards ki long ka Dr. Careen EG Marbaniang na Mawkhar Christian Higher Secondary School, Shillong, Bah Wallamkupar Lyngrah na Mawsiatkhnam Presbyterian Upper Primary School, u Headmaster ka Mawlieh Govt. Upper Primary School, Bah Nearest Newyear Lyngdoh, u Headmastere ka Nongtynniaw Deficit Upper Primary School, u Bah Phimlandstar Thongni, u Manoranjan Baruah na St. Thomas Higher Secondary School, u Bah Ohiwot Laloo na Govt. Girls Higher Secondary School, u Headmaster ka KS Memorial Secondary School Wapung Bah Heipor Uni Bang, u Padam Chettri na Nehru Memorial Secondary School, Umsning, ka Eldrina Ch. Momin na Rongronggiri Govt. Higher Secondary School, u Prodipson Sangma na Wage Asi Govt Lower Primary School, u Subrata Sen na Don Bosco Higher Secondary School, Tura, u Miman M. Sangma na Balsrigittim Lower Primary School Tura, u Plansing Ch. Momin na Adogre Gov. Lower Primary School, ka Cleritha M. Sangma na Capt. Williamson Memorial Govt. Secondary School.
Katba 36 ngut ki nonghikai kiba ïoh pdiang ïa ka District Award ki long u Bah Raynold Basaïawmoit na Gorkha Secondary School, 3rd Mile Upper Shillong, ka Kong Ribhalin Khongrymmai na Ryngud SSA Upper Primary School, u Bah Deverlin Rani na Nongwah Govt. Lower Primary School, ka Kong Beauty Luella Nongsiej na Anderson Higher Secondary School, Uppper New Nongstoin, u Bah G. Ningstar Marthong na Mawlangkhar Govt. Lower Primary School, ka Kong Batriti Pakyntein na Maharam Govt. Higher Secondary School, u Bah Angol Thongni na Sharak Rit Deficit Upper Primary Nongkynbah, u Sengman A. Sangma na Upper Umsih Govt. Lower Primary School, ka Principal jong ka St. Thomas Higher Secondary School Mairang ka Sister Cecilia Kujur, ka Headmistress jong ka Rosario Upper Primary School, Kynrud ka Sister Syrpailin Kurkalang, ka Kong Sintisha L. Nonglait na Nongthymmai Govt. Lower Primary School, ka Kong Diamond Paswet na Govt. Boys Higher Secondary School, Jowai, u Bah Emperor Gassah na Trangblang Govt. Upper Primary School, u Headmaster jong ka S.R Manner Govt. Lower Primary School, Sohkha Bah Pratap Singh Khonglah, ka Headmistress jong ka Sutnga Presbyterian Higher Secondary School, ka Kong Leinimeda Wahlang, ka Headmistress jong ka Jalaphet Upper Primary School, Jalaphet ka Kong Pdianghun Phyrngap, ka Kong Thiang Suchiang na Bataw Neiñ Govt. Lower Primary School, u Sukanta Bhattacharjee na St. Michael’s Higher Secondary School Umsning, ka Kong Ristrolian Nongrum na Nehru Memorial Secondary School, Umsning, ka Kong Mary Magdalyne Lamo na St. Jude Lower Primary School, Umpher Byrnihat, u Headmaster ka Rongrenggiri Model Deficit Secondary School u Aswini Kumar Sarma, u Kennedy G. Momin na Nongchram Deficit Upper Primary School, Rongjeng, u Pidingson B. Marak na Dawa Nengkatokgre Govt. Lower Primary School, u Manorajan Biswas na Resu Union Secondary School, u Ringrang M. Sangma na Mendima Deficit Upper Primary School, u Glizer K. Marak na Songmengap Govt. Lower Primary School, u Headmaster ka Sacred Heart Deficit Secondary School Dalu u Fr. Biju Paul, u Headmaster jong ka Shyamnagar Govt. Upper Primary School, u Alithson G. Momin na Ampanggre Govt.Lower Primary School, u Sanjib A. Sangma na Boldanggre Deficit Secondary School, u Headmaster jong ka Ampati Deficit Upper Primary School u Grebingham B. Sangma, u Headmaster ka Kukumua Govt. Lower Primary School u Md. Jahan Miah, ka Principal jong ka Rangku Memorial Girl Deficit Secondary School ka Quiline M. Sangma, u Headmaster jong ka Chokpot Govt. Upper Primary School u Phurison N. Sangma bad u Headmaster ka Namchap Govt. Lower Primary School u Sothine G. Momin.
Ha kane kajuh ka sngi, ka Sorkar ka la pynkup burom ruh ïa ki 12 ngut ki Scout Master bad ki Guide Captain.
