Shillong, Nailar, 11: Ka Parking Lot kaba don ha them ïew Mawlong kaba ju ïeng ki kali Local Taxi kiba ju im kamai jakpoh ban kit ïa ki nongshong kali sha ka thaiñ Upper Shillong ka la sma iwtung hi hak na ka jingpyntuid eit bad kiwei pat ki jaboh kiba mih na kawei ka Building kaba don marsyndah ka jaka ïeng kali.
Ka jingsma iwtung ka la long kaba la palat ha kaba ki nongñiah Local Taxi kim sngewlah shah shuh.
Ki la ïathuh ba mynshuwa ruh ka la jia teng kumne hynrei ki hap ban synñiang pisa para ma ki ban phah pynkhuid bad mynta ka kynti ruh ka la jia biang bad ha kane ka kynti kaba mynta ki nongñiah Local Taxi kin leit ujor da ka jingthoh sha ki bor ba dei peit khnang ba kin phah pynkhuid.
Ki nongñiah Local Taxi ki la buh jingkylli ruh lada ka Sorkar ka shim da ka dor bai pynïeng kali ha surok na ki nongñiah kali balei kam lah ban pynkhuid ïa ka jaboh kaba la pynsma iwtung ym tang ïa ki nongñiah kali hynrei wat ïa ki paidbah nongleit nongwan bad ki nongthied nongpet kiba leit ba wan na kane ka jaka.
