Shillong, Jymmang, 07: U nongaiktien jong ka Sorkar MDA Bah Paul Lyngdoh uba long ruh u Myntri jong ka Sorkar Jylla ha ka sngi Balang u la ong ba kam don kano kano ka jingbakla ban dawa ïa ka jingtohkit halor ka jingkynnoh ba dang shen da ka seng kieng atiar Hynñiewtrep National Liberation Council (HNLC) pyrshah ïa u Symbud Myntri Rangbah ka Jylla uba khmih ïa ka tnat Pynroi Sor Bah Sniawbhalang Dhar ba u ju bei pisa ïa ka seng mynba u dang long u Myntri ha ka Sorkar barim ba la ïalam da ka Seng Congress ha ka jylla.
U la ong ba ki tnat tohkit ba kongsan kin ym ap ïa kino kino ki seng saiñpyrthei ban da kaweh lama ïa kane ka kam lada kim don ïa ki sakhi sabut kiba biang halor kane ka jingkynnoh.
“Ngam ïohi ba kan don kano kano ka jingbakla. Ïa kum kine ki jingtohkit la pynshong nongrim na ki sakhi sabut kiba thikna namarba ki dei ki kynhun kiba kongsan ki ban ym shu pynlut kai ïa ka por ban shu leit beh ksuid. Lada ki don shisha ki sakhi sabut kiba thikna, kin shimkhia ïa ka case da lane khlem ka jingkaweh lama jong ki seng saiñpyrthei halor kane ka kam,” ong shuh shuh u Bah Lyngdoh haba kren sha ki lad pathai khubor.
Kane ka jingkynthoh jong u Bah Paul ka long hadien ba ka seng saiñpyrthei Voice of the People Party (VPP) ka la dawa ba dei ban pynhiar mardor na ka shuki Symbud Myntri Rangbah ïa u Bah Dhar katba ka jingtohkit halor ka jingkynnoh jong ka HNLC ka dang ïaid shakhmat.
Haba kylli, u Bah Lyngdoh u la ong, “pule biang ïa u kyrwoh ba la phah da ka HNLC. Ka la ong ba ka don ïa ki jingtip kiba thikna shaphang ka jingbei pisa jong u ïa ka seng mynba u dang long u Deputy CM ha ka sorkar Congress. Mynta kum u nongaiktien jong ka MDA-2, ngam don jingtip eiei shaphang kaei kaba la jia ha ka por jong ka Sorkar Congress. Ngam pat ju don ha ka Congress lane ha ka HNLC kumta ka shong ha phi ban wad jingtip na u Bah Sniawbha namar ki ong ba u dei uba ju bei pisa bha ha ka pla tyngka jong ki ha ka por ba u don ha ka Congress.”
U la ai jingmut ruh da kaba ong, ‘lHe also suggested, “lehse u Bah Vincent Pala (President jong ka MPCC) u lah ban kham ai jingpynshai shuh shuh halor kane ka kam.”
 | ReplyForwardAdd reaction |
