Shillong, Nailur, 25: Ka Kashari jong ka Kong M.K. Lyngdoh, Special Judge (POCSO) East Khasi Hills ha ka sngi Balang ka la hukum ban set phatok 10 snem ïa u Kaspelling Mawkon bad daiñ kuna T.50 hajar kum ka jingpynshitom hapoh ka Section 6 jong ka POCSO Act.
Ka Kashari ka la hukum ruh ban set along sa hynriew bnai lada um lah ban siew ïa ka kuna bad nalor kata la hukum ïa u nongshah rai pynrem ban shong phatok sa shi snem kum ka jingpynshitom hapoh ka 506 First Part jong ka IPC.
U kyrwoh ba la phah da u Superintendent of Police, East Khasi Hills Bah Vivek Syiem ha ka sngi Palei u la pyntip ba ki Pulit ki la register case ha Sohra Police Station hapoh ka Section 5(k) (I)/6 POCSO Act.
Ïa ka case la tohkit da ka WPI M.M. Momin kaba trei mynta ha North Garo Hills District.
