Shillong, Jymmang, 28: Ka Kashari jong ka Kong MK.Lyngdoh Special Judge (POCSO) East Khasi Hills, ha ka hukum ba la pynmih ha ka 26 tarik, Jymmang, 2025 ka la rai pynrem ïa u Strongman Kharbani hapoh ka Section 10 jong ka POCSO Act da kaba phah set along 7 snem bad ban siew ïa ka kuna kaba T. 50 hajar.
U krywoh ba la phah da u Superintendent of Police ka East Khasi Hills Bah Vivek Syiem u la pyntip ba ka Kashari ka la hukum ruh lada u nongshah rai pynrem um lah ban siew ïa ka kuna un hap ban bteng ïa ka jingshah set along sa kaba 6 bnai.
Ki Pulit ki la register ïa ka case ha Mawsynram Police Station hapoh ka Section 5 (m) (n)/6 POCSO Act ha u snem 2019.
