Shillong, Risaw, 28: Ka Kashari jong u Special Judge POCSO ka East Jaiñtia Hilis District ka la rai pynrem da kaba hukum ban set along shi rta jingim ïa u Bani Sana halor ka jingdonkti ban pyniap briew bad pynduh pyndam ia ki sakhi satar.
U kyrwoh ba la phah da u Superintendent of Police jong ka East Jaiñtia Hills, u la pyntip ba ki Pulit ki la register case hapoh Khliehriat Police Station ha ka Case No. 144(06)2013 hapoh ka Section 302/34 IPC bad ïa ka jingtohkit la bynshet ha ka WPSI K. Lyngdoh.
Hadien ba la pyndep ïa ka jingtohkit la pynngat kyndon ha ka 18 tarik, Rymphang, 2014. Ha ka jingtian bishar ka Kashari ka la lap ba u Bani Sana u donkti ha ka kam runar bad la rai pynrem da kaba hukum ban set along shi jingim kum ka jingpynshitom hapoh ka Section 302 IPC ryngkat bad ka kuna kaba T. 50,000 bad nalor kata la pynjlan sa lai snem ban set along ryngkat bad ka kuna kaba T. 10, 000 kum ka jingpynshitom hapoh ka Section 201 IPC.
