Shillong, Nailur, 10: Ka Kashari jong u District & Sessions Judge N.A Khan ka la rai pynrem ïa u Dros Pakem da kaba set along ar snem.
Ha ka hukum ba la pynmih ha ka sngi Balang, ka Kashari nalor kaba rai pynrem ban set along ar snem ka la daiñ kuna ruh T.5 hajar.
Kane ka jingjia, ka la jia ha ka 23 tarik, Naitung, 2011, haba la kynnoh ba u Dros Pakem u la tied da ka lyngknot ïa u para u Dao Pakem na ka khlieh ha ka shnong Mooralong, Jowai.
Kane ka la jia ha ka por kumba 10 baje mynmiet ha kaba u Dao Pakem u la mynsaw jur bad u la khladnoh ha ka sngi kaba bud katba dang pynkit ïa u sha Civil Hospital, Jowai.
Ïa ka case la register ha Jowai Police Station hapoh ka ejahar nombar 103(7)11 bad hapoh ka Section 302 IPC (kaba dei bad ka kam pynïap briew).
Ïa ka jingtohkit la bynshet ha u SI E. Pohchen uba la pynngat kyndon pyrshah ïa u Dros Pakem.
