Shillong, Nailar, 27: Ka heprit Anshika Thakur kaba shong basah ha nongbah Shilong ka la shah jied ban aireng ha ka jingïakhun phainal jong ka Alee Club 27 th Miss & Mr Teen India 2025.
Ka heprit Anshika Thakur, kaba dang don mynta 15 snem ka rta bad kaba pule ha Grace Academy School, Shillong kan hap ban ïakhun pyrshah ïa kiwei pat ki samla lud na kylleng ka ri India hadien ba ka la jop ïa ka jingïakhun semi-final kaba la long dang shen ha ka 27 tarik, Naitung, 2025 ha Radisson Blu Hotel, New Delhi.
Ka heprit Anshika kaba dei ka khun kynthei jong u Vijay Kumar Thakur bad ka Vineeta Thakur ka la jop ruh ïa ka kyrdan kaba ar ha ka Miss Teen Face of Meghalaya.
Ha ka jingpynkhreh ban ïakhun ïa ka Grand Finale ka ban sa long ha ka 3 tarik, Nailur, 2025, ka kmie jong ka Anshika, ka Vineeta Thakur ka la mih shakhmat ban kyrpad ïa ki paidbah nongshong shnong jong ka jylla Meghalaya ban ai jingkyrshan ïa ka khun jong ka, da kaba thoh ïa ka kyrteng jong ka Anshika Takhur bad phah ïa ka SMS ha u nombar 57575.
