Shillong, Lber, 22: Kawei ka kali Alto 800 Kaba don ia u number ML05 T 1313 kaba iaid “wrong side” na surok Kashari, najan ka DC ophis sha IGP Point ka la tynrah ia kawei ka kali Bolero Pickup kaba don ia u number ML05 AB 2210 ynda poi hakhmat ka SP Office.
Kane ka la jia ha ki por 9 baje ne 9.30 baje mynmiet ka 22 tarik, Lber,2024.
Ka kynhun lum khubor jong ka Batesi Tv kaba la lap ia kane ka jingjia, ka la sakhi ba ki don 3 ngut kiba shong hapoh ka kali Alto 800 uwei uba la mynsaw bad arngut ki la phet krad ialade bad ieh noh hapdeng surok ia ka kali bad ia u nongniah jong kane ka kali u bym shym la mynsaw eiei.
Ha kane ka jingjia, arngut ki briew kiba shong ha ka kali Bolero kim shym la mynsaw eiei katba ki briew kiba shong ha ka kali Alto ki la buaid khawiang bad lap ruh u bilor kiad hapoh ka kali.
La sakhi ba ka kali Alto ka la julor na u bumper bad ka iit ba nakhmat ka kali namar ka jingtynrah ka la long kaba jubor bha.
Kat haduh ba la pynmih ia kane ka khubor ki Pulit ki la wan poi ha kane ka jaka ban pynlong ia ka jingtohkit kaba bniah..
