Shillong, Rymphang 13: Saw ngut ki nongbylla ki la khlad hashen ha ka jingïatakhuh para trok kit dewïong ha ka shnong Shallang ha ka miet sngi Baar mynta ka taïew.
Ha ka jingpyllait, ki Pulit ka la ïathuh ba ki la ïoh jingtip ïa kane ka jingjia tad haduh ka por 10:45 baje mynmiet haba kaba la pyntip ba kawei ka trok saw shaka kaba thylli ka bym pat don nombar ba dang shu thoh Applied For (AF) ba la ñiah da uwei u nongñiah kali bym pat tip kyrteng tang shu poi ha 5 kilo, Shallang bad namar ka jingpynher sted shaba palat ka la tynrah beit beit ïa kawei pat ka trok thylli kaba don ïa u nombar ML08 B 2494 kaba la noh sha khap surok.
Ha kane ka jingjia, saw ngut ki briew ki la khlad hashen, ha kaba uwei na kiba la khladnoh la ithuh kyrteng kum u Rahul Puweiñ, 22 snem ka rta na ka shnong Nongriangka, Shallang katba ki lai ngut kiwei pat ym shym la lah ban tip kyrteng haduh mynta.
Ki pulit ki la register case halor kane ka jingjia ha Shallang Police Station bad ka jingtohkit bniah ka dang ïaid shakhmat.
ïa ka met jong kinie ki lanot la pynkit noh sha Riangdo CHC ban leh ia ka Postmortem bad ïa ka met jong u Rahul Puweiñ la aiti noh sha ki bahaïing hasem ha kane kajuh ka miet.
