Shillong, Rymphang, 27: Kawei ka iing ha ka shnong Umsmu, ka shnong kaba don ha them Ribhoi ka la kylla dpei kynthup ruh ïa ka jaka ba ju buh ïa u synsar ba ladep kheit.
Kane ka laijïa ha ka sngi Balang ha ka por 2:00 baje eiei noh sngi ha kaba ki thylliej ding ba rhem ki la bamduh ïa ka iing bad ïa ka jaka buh u synsar baroh kawei jong ka longiing ka Kong Merrilin Mawlong.
Haba kren sha ki lad pathai khubor, ka Kong Merrilin Mawlong ka la ong ba kane ka la jia ha ka por ba kim shym la poi pyrkhat bad kim lah ruh ban tip mano ba la leh ïa kane ka kam hynrei la suba ba la don lehse ki riewshim kabu kiba wiang ding ïa u phlang uba ladep ot kaba lam shaduh u pud ba ka ïing kan kem ding.
