Shillong, Naiwieng, 05: Kawei ka thuk thuk Yamaha kaba don ia u registration number AS 01 AY 4293 ka la ingkhong ha surokbah National Highway-6 hadien ba u nongniah jong ka thuk thuk Yamaha u la leit ban tynrah ia kawei ka Scooty kaba don ia u registratin numer ML10B-6349 haduh ba ka la kem ding hapdeng surok.
Kane ka la jia ha ka sngi Balang.
Katkum ka khubor ba la iohlum, la iathuh ba ka thuk thuk Yamaha ka dei kaba dang thmu ban hiar sha Guwhati bad ynda la poi ha mar pyrshah bad ka ophis u Deputy Commissioner ka la leit ban tynrah kynsan ia ka Scooty bad hadien kata ka la kem ding kynsan.
La iathuh ruh ba u nongñiah jong ka thuk thuk Yamaham u la bret ia ka helmet bad phet krad ialade bad da ka jingpoi kloi ka kali pynlip ding la lah ban pynlip noh ia ka ding kaba la pluh.
Halor kane ka jingjia, ki Pulit ka tnad Traffic ka Nongpoh ki la leit ban pynlong ia ka jingtohkit bad kat haduh ba la pynmih ia kane ka khubor ym pat lah satia ban tip ia ka kyrteng jong ki nongniah jong ka thuk thuk Yamaha bad ka Scooty.
