Shillong, Rymphang, 26: Kawei ka iing ha ka shnong Kensohsan kaba hap hapoh ka Ranikor Civil Sub Division South West Khasi Hills District ka la kylla pdei hadien ba ki thylliej ding kiba klang bha ki la bamduh ïa ka ing baroh kawei ha ka sngi Balang ha ka por kumba 11:30 baje mynstep.
Katkum ka jingioh jingtip, la ïathuh ba kane ka dei ka iing jong u Bah Twinkle Pahsyntiew bad ka Kong Debora Thongni kiba don phra ngut ki khun.
U Bah Twinkle u la ïathuh ba ïa ka daw halor jingkem ding jong ka ing ym lah satia ban tip bad ha kajuh ka por u la ïathuh ba ka jingjulor baroh la antad ba ka la kot sha ka 2 lak 50 hajar tyngka kynthup ïa u synsar uba don baroh 18 quintal, ka pisa kaba kot 50 hajar bad kiwei kiwei de ki jingdon jingem.
