Shillong, ïaïong, 28: Ka khusnam Padma Shri ka dei ka khusnam kaba heh tam ha ri India ia kaba la ju ai na ka bynta ki riew paidbah bad ki don saw tylli ki khusnam kiba heh ha ka ri India ia kaba la ju sam da u lane ka President jong ka Ri kata, ka Bharat Ratna, ka Padma Vibhushan, ka Padma Bhushan bad ka Padma Shri.
Na ka jylla Meghalaya, haduh mynta ki la don 20 ngut kiba la ioh pdiang ia ka khusnam Padma Shri.
Kine ki 20 ngut ki kynthup ia ka kong Evelyne Norah Shullai, Dr. Erasmus Lyngdoh, Kong Silverine Swer, Kong Patricia Mukhim, Kong Verna Elizabeth Watre Ingty, Kong Queenie Rynjah, Kong Theilin Phanbun, Prof. Hamlet Bareh Ngapkynta, Manas Choudhuri, Dr. Helen Giri, u Prof. Pramod Tandon, u Bah Skendrowell Syiemlieh, Kong Bertha Gyndykes Dkhar, Bah Neil Herbert Nongkynrih, Kong Trinity Saioo, Nanadro B. Marak, Prof. Badaplin War, Bah Risingbor Kurkalang, Kong Silbi Passah.
Mynta u snem 2025, sa u Prof. David R Syiemlieh u la ioh pdiang ia kane ka khusnam na ka kti jong ka President jong ka ri India ka Droupadi Murmu.“
Kham bun na kiba ioh ia ka khusnam Padma Shri na kane ka jylla Meghalaya ki dei ki kynthei.
U Professor. David R Syiemlieh u dei u Scholar uba wad bniah bha halor ka jinglong tynrai bad ki khana pateng jong ka thain Shatei Lammihngi bad u dei ruh u Chairman barim jong ka UPSC uba la pynmih ia ka kot kaba u la ai kyrteng ‘British Administration in Meghalaya: Policy and Pattern’.
U Myntri Rangbah ka jylla u Conrad K Sangma u la pynpaw ka jingsngewkmen halor ka jingioh pdiang jong u Dr. Syiemlieh ia ka khusnam Padma Shri bad ai khublei kyrpang ruh ia u ryngkat ka jingkitbok kitrwiang.
