Shillong, Ïaiong 02 : Hadien ka jingpynapshrip na ka liang ka KSU Umsning Circle ka la ioh bat ia kawei ka kali Sumo (ML 04 B 7082 ) ha ka por 2:30 nohphai sngi kaba kit ia ki mynder ri na Bangladesh.
Ha ka jingialam jong u Samla Jester Nongbet uba dei u Asst Organising Secretary jong ka KSU North Khasi Hills District Unit ryngkat ka jingiasynran lem ki nongialam ka KSU Umsning Circle ki la ioh ban bat ia katei ka kali Sumo kaba kit ia ki 11 ngut kiba dei ki mynder ri kiba la phla ba ki dei na Ri Bangladesh bad ba ki mut ban kiew sha sor Shillong.
Kine ki mynder ri na Bangladesh ki kynthup ia u Sajauddin Sheik uba 26 snem kyrta, Ka Panna kamal Husein kaba 37 snem kyrta na ri Bangladesh, Ka Rabia Begum kaba 27 snem kyrta na ri bangladesh, Ka Kakoli sherda kaba 36 snem kyrta na ri Bangladesh, ka Erina din Mullah kaba 30 snem kyrta na ri Banglasesh, Ka Shobha Islam kaba 28 snem kyrta na ri Bangladesh, U Arafat mullah uba 7 snem kyrta na ri Bangladesh, Ka Unjilla Sardar kaba 27 snem kyrta na ri Bangladesh, ka Melina Mullah kaba 15 snem kyrta na ri Bangladesh, Ka Poppi Mullah kaba 25 snem kyrta na ri Bangladesh, Ka Sonia Sheik kaba 21 snem kyrta na ri Bangladesh.
Na ka liang jong ka Seng ka la ioh ban bat bad la wan tuklar noh na ka liang ki pulit haba ioh bat ia kitei ki mynder ri bad ka Seng ka la maham jur haba ki shimti ki dei ban leh ia kaba donkam bad ka seng hi ka la maham ba kim bit ban kiew sha Shillong bad ba kidei ban leitphai sha jaka ba ki wan namar ka Ri Khasi kam dei ka jaka ban bret ia ki mynder ri ne ki briew ba nabar.
