Shillong, Naitung, 10: Iwei i Mei ieid iba la tip kyrteng kum i Kong Phip Lyngdoh iba la 76 snem ka rta iba shong basah ha ka shnong Diwon ka shnong kaba don ha ka thaiñ Umden, Ribhoi District i la jah rngai khlem wan phai shuh sha la ing naduh ba i la mih na la ing ha ka por 10 baje mynstep jong ka 8 tarik Naitung, 2024.
Watla ki bahaing hasem ki la pyrshang ban wad nadu ka sngi ba la i la jah hynrei kim shym la lap dien satia bad kumta ki la pyntip noh ka dorbar shnong halor kane ka jingjia.
U Bah Sterling Khymdeit uba dei u Secretary jong ka shnong Diwon u la ïathuh ba tang shu ioh jingtip halor kane ka jingjia, baroh shisngi la pynlong ïa ka jingwad shnong bad haduh mynta ym pat lap dien satia ia ine i meiieid.
U la ïathuh ruh ba ki bahaing hasem ha ka 10 tarik Naitung, 2024 ki dang iai bteng ban wad ia ine i meiieid bad ong ruh ba lada ym lap satia, kin sa leit ujor da ka ejahar sha ki bor Pulit
Ka Khun kynthei jong i mei ieid kaba la tip kyrteng kum ka Kong Them Lyngdoh, ka la iathuh ba ha ka por ba i meiieid i la mih na la ing i sem da ka jaiñ kyrshah rong Blue bad i phong da ka sopti rong rong lieh.
