Shillong, Nailar 3 : U Bah Anlang Dyia uba sah ha ka shnong Madanriting, Shillong ha ka 3 tarik u Nailar, 2025 u la ujor sha ki Pulit ka Madanriting Police Station ban pyntip halor ka jingjah ka Scooty Ray ZR rong Cyber Green kaba u dang shu thied thymmai bad ka bym pat don ia u number plate kaba u la pynieng hajan ka ingsah jong u ha Madanriting, Lum Jingsuk (Umdabor).
Ha ka ujor u Bah Anlang u la pyntip ba u la pynieng ia kane ka Scooty hajan iing ha ka 2 tarik, Nailar, 2025 ha ka por kumba 9 baje mynmiet bad ynda u la leit jngoh ha ka sngi kaba bud, kata, ha ka 3 tarik, Nailar, 2025 ha ka por 10:00 baje mynstep u la shem ba ka Scooty jong u kam don shuh ha ka jaka ba u la pynieng.
Na ka liang jong u trai jong kane ka Scooty u la kyrpad ia ki Pulit ba kin pynlong ia ka jingtohkit kaba bniah khnang ban ioh biang ia ka mar kaba la jah.
