Nongstoiñ, Risaw, 20: Uwei u rangbah briew uba la don 43 snem ka rta uba la tip kyrteng kum u Bah Phyrnailin Nongrem na ka shnong Mawkhlam-Nongpyndeng u la jah na la ïing naduh ka 13 tarik, Risaw, 2025 bad haduh mynta um pat wan phai satia sha la ïing.
Katkum ka ejahar ba la ujor ha Nongstoiñ Police Station, la ong ba une u rangbah u la jah na la ïing naduh ka por janmiet bad haduh mynta u khlem wan phai shuh sha la ïing bad ym shym la don satia mano mano ruh ba iohi shano lane bad badno u leit.
““Ki bahaïing hasem ki la pyrshang ban leit wad kylleng ki jaka kiba u ju kham leit bha bad ki la kylli pyrthew ruh na ki lok ki jor kiba u kham ïajan hynrei ym shym la don satia ba iohi ne lap sabut ïa u bad kane ka la pynshaiong ngaiñ ïa ka ïing ka sem baroh kawei.
Kumta, ki bahaïing ki la pyntip noh ïa kane ka jingjia sha ki bor pulit bad ki bor shnong bad ki bahaïing mynta ki dang bteng ban leit wad sa sha khlaw sha btap bad sha ki lum ki wah kiba u ju kham sngewtynnad ban leit.
Na ka liang ki Pulit ki la ïathuh ba kin sa shim ïa la ka jong ka bynta ban wad jingtip halor ka jingjah jong u Bah Phyrnailin bad ki la kyntu ruh ïa kino kino kiba iohi ne lap ba kin sngewbha ban pyntip sha Police Control Room ha u number 9366498499 lane ki lah ban shu telephone sha ki bahaïing hasem ha u number 9774296991 bad 7005938801.
