Shillong, Lber, 26: U MDC jong ka Voice of the People Party na Mawhati Constituency Bah Kynjohlang Rangtong u la jop suk ïa ka shuki Deputy Chairman jong ka Iingdorbar Thawaiñ ka Khasi Hills Autonomous District Council (KHADC) khlem don ba ïakhun pyrshah ïa u.
Ka elekshon ban jied ïa u Deputy Chairman ka la long ha ka sngi sdang jong ka Dorbar Mang Tyngka jong ka KHADC ha ka sngi Balang bad ka ban sa kut haduh sngi Thohdieng.
U Bah Rangtong u dei u MDC uba dang thymmai uba dang shu jop ha ka elekshon MDC kaba dang shu dep long shen.
Kum ban shu pynkynmaw ba ki MDC kiba don ha ka Liang Synshar ha KHADC baroh ki dei na ka VPP bad ki dei kiba dang thymmai naduh u Chairman , Deputy Chairman, u CEM bad baroh ki Executive Member.
