Shillong, Jylliew, 02: U Myntri Rangbah ka Jylla u Conrad K. Sangma ha ka Lah sngi u Blei u la hiar jurip ïa ka madan ïalehkai phutbol jong ka Shillong Spors Association (SSA) khnang ban tip ïa ki jingduna kiba dang donkam ban shna pynbha ïa ka madan na ka bynta ka jingpynkhreh ïa ka National Games ka ban sa long ha kane ka jylla Meghalaya ha u snem 2027.
Ïa u Myntri Rangbah la synran lang da u President ka SSA u Bah Banteidor Lyngdoh uba long ruh u MLA kynthup ruh ki nongkitkam jong ka SSA bad kiwei kiwei.
Ha ka jingïakren bad ki lad patahi khubor u la ïathuh ba ha ka jingjurip yn phah pyndep noh ïa ka jingshna ïa ka nala um khnang ba ka madan kan ym sniew.
