Shillong, Jymmang, 23: Ka Khasi Authors’ Society (Ka Seng ki Nongthoh Kot Khasi) kan pynlong ïa ka Dorbar Pyllun bad ka jingïathir jingmut halor ka phang, “Ki Nongthoh bad ka Imlang Sahlang” ha ka 25 tarik Jymmang, 2024 naduh ka por 10:30 baje mynstep ha Arts & Culture Hall, Shillong.
Ha u kyrwoh ba la phah da u General Secretary ka KAS u Dr. R.P. Kharshiiing, u la pyntip, ba ha kane ka Dorbar yn pynsngew ïa ka kaiphot treikam jong ka seng, ka jingïakren ban nang pynkhlaiñ shuh shuh ka jingdawa ban pynrung ïa ka ktien Khasi ha ka Khyrnit Baphra jong ka Riti Synshar ka Ri India bad ka jingïathir jingmut para nongthoh na ka bynta ban nang pynbha shuh shuh ha ka kam thoh kot.
Kumta lyngba kane ka jingpynbna ïar, ka KAS ka kyrpad ïa ki para nongthoh kiba dei ki dkhot ka seng ba kin sngewbha ban poi lang sha kane ka Dorbar, kynthup ïa ki dkhot kiba don ha ki shnat bapher bapher hapoh ka Bri u Hynñiew-Trep.
