Shillong, Nailur, 29: Ka Kong Rina Kharbudnah, kaba la 38 snem ka rta na ka shnong Nongumlong, 3mer Upper Shillong bad ka Silbarina D Shira na rilum Garo ki la wanrah ïa ka nam ka burom sha ka jylla Meghalaya hadien ba ki la jop ha ka rynsan ïakob Divalicious Mrs India 2025 bad Divalicious Mrs North East India 2025, kaba long ha Jaipur, Rajasthan ha ka 21 tarik, Nailur 2025 ïa kaba la pynlong da ka Naresh Madaan.
Ka Kong Rina kharbudnah kaba la jop ïa ka First Runner up ha ka Divalicious Mrs India Universe 2025 ka la shah jied kum ka Brand Ambassador ban mihkhmat pat sa sha ka Mrs India Universe International ka ban sa long ha u snem 2026.
Ka Kong Rina kaba la don 7 ngut ki khun ka dei ruh ka nongkhaii Dohkha bad ka nongkhaii jhur bad lyngba ka jingai mynsiem ki bahaiing hasem ka la leit ban aireng ha kane ka rynsan ïakob bad ïoh ïa ka kyrdan kaba ar.
Katba ka Silbarina D Shira kaba la 51 snem ka rta bad don ar ngut ki khun ka la jop Divalicious Mrs North East India 2025 ka la jop ïa kane ka rynsan ïakob kaba la long ha kane ka juh ka sngi.
