Shillong, Lber, 12: Ka Sorkar Jylla ka la shimkhia ban ïakhun pyrshah ïa ki Cybercrime ha ka jylla.
Haba ai jubab ha Iingdorbar Thawaiñ, u Symbud Myntri Rangbah uba khmih ïa ka tnat Kam Pohing Bah Prestone Tynsong u la ong ba kine ki sienjam ki kynthup ïa ka jingpynkha ïa ka post Superintendent of Police (Cyber Crime), ka jingthaw ïa ka Cyber Crime Police Station na ka bynta ka jylla Meghalaya, ka jingbuh ïa ka 24/7 Cyber Crime Helpline (1930) na ka bynta ban ai jingïarap mardor.
Ka National Cyber Crime Reporting Portal (cybercrime.gov.in) ban pyntip ïa ki jingjia.
U la pyntip ba ki Cyber Crime case ha ka jylla ki dei kiba la tohkit bad pynngat kyndon hapoh ki ar tylli ki aiñ jong ka Parliament, kata, ka The Information Technology Act, 2000 bad ka The Bharatiya Nyaya Sanhita, 2023.
U Bah Tynsong u la ong ba la shim ruh ïa ki sienjam ban pyntreikam ïa ki lad ki lynti kiba pynjanai ïa ka jingpynshai halor ka Cybersecurity khamtam sha ki thaiñ nongkyndong.
Ïa ka jingpynshai halor ka Cybersecurity la ju pynlong ha baroh kawei ka jylla ba kynthup sha ki shnong nongkyndong bad la pynmih ruh ïa ki Digital Advisory ba la pynphriang lyngba ka Social Media na ka bynta ka jingpyntip paidbah, u la bynrap.
