Shillong, Nailar, 19: Ka Myntri jong ka Sorkar Jylla ka Dr. Ampareen Lyngdoh ka la pynpaw ïa ka jingsngew hun halor ka jingtrei ïa ka ïew Shyllong ha ka shnong Laitumkhrah, Shillong.
“Kum ka MLA jong ka Constituency, kynthup ïa baroh ki kynhun kiba don bynta lang ngi sngewhun shibun. Ngi donkam ban pynthikna ba kano kano kaba la leh, la leh hok bad ka jingtei kan shim por,” la ong ka Dr. Ampareen ha ki nongthoh khubor ha ka sngi Baar.
Ka la kam ba ki lah ban don katto katne ki jingpynslem, hynrei ka ngeit skhem ba ka Sorkar ka trei ha ka lynti kaba dei.
Katkum ka jingong jong ka, ka jingtei kan shim por bad ba ki lah ban don katto katne ki jingpynlut. Hynrei ka la ban jur ba kane ka projek ka donkam ban thmu bad ban pyntreikam bha bad la pynlong ïa ki jingpeit bniah manla ka por ban pynthikna ba baroh ki long kiba la leh hok.
Ka la pyntip shuh shuh ba ha ka bynta kaba ar jong kane ka projek kan donkam ban pynpra noh ïa ka ïew kaba mynta. Ka la pynthikna ba ka Sorkar ka dang trei ïa kane ka projek bad ba ym donkam ban kyrkieh.
Ka Myntri ka la kdew ba kane ka ïew ka la don naduh u snem 1976 bad ba ki nongshong ïew ki la ap palat 40 snem ban pyndep ïa kane ka projek.
Ka la banjur ba yn dang hap ap sa ar bnai bad kan ym don shuh kano kano ka jingkylla namarba ka sorkar ka leh ïa kaba dei bad ka trei shitom ban pyndep ïa ka projek.
