Shillong, Jylliew, 17: Ki dkhot jong ka Khasi Students Union (KSU) Shillong Mihngi Circle ha ka Lah Sngi U Blei ki la ïoh bat 18 ngut ki nongbylla bar jylla ki bym don ïa ki kot ki sla kiba biang.
Ïa kine ki bar jylla, ki dkhot ka KSU ki la ïoh bat ha Wahheh, Mawpat shwa ban poi sha Itshyrwat na kawei ka petrol pump katba ki dang hiar na kawei ka bús ban kiew ha kawei pat ka kali ka pickup truck.
Ha u kyrwoh ba la phah da ka seng ryngkat bad ki video la ïathuh ba kine ki bar jylla ki thmu ban leit trei bylla sha ka shnong Jatah, Smit bad ha ka jingtohkit kine ki bar jylla ki la phla ha ki dkot ka KSU ba ïa ki kot ki sla ki la ïoh da kaba siew tang 50 tyngka ha Ri bhoi.
