Shillong, Jymmang, 06: Katba ki dkhot jong ka Khasi Students’ Union (KSU) West Jaiñtia Hills District Unit ki dang pynlong ka jingkhynra Trading License ïa ki dukan jong ki bar jylla ha sor Jowai, la wan mih uwei u nongialam jong ka seng Sengbhalang ban kam trai ïa ki dukan.
Shipor ka la mih ka jingïapyni nia hapdeng une u nongïalam ka Sengbhalang bad ki dkhot ka KSU haba um lah ban sei ïa ki kot ki sla kiba pynshisha ba ki bar jylla kiba shong ha ki dukan ki dei ki nong India, la pyntip u kyrwoh ba la phah da u Information & Publicity Secretary ka KSU u samla Juhhi Tariang.
Ïa kane ka jingkhynra la lamkhmat da u President samla Laitphar Syngkrem bad kiwei kiwei ki dkhot ka seng.
Ha ka jingleit khynra ba la phiah haduh san kynhun, ki don ki dukan kiba la khang khyrdop lypa tang shu ïoh jingtip ba ka KSU kan khynra Trading License ïa ki dukan bar jylla.
Ki dkhot ka KSU ki la lap ba bun na ki dukan ba la pynïaid da ki bar jylla ki dei ki bym don ïa ki kot ki sla bad nalor kata kim don wat tang ïa ka EPIC hynrei lait noh tang ïa ka No Objection Certificate (NoC) ba la ai da ka Dorbar Shnong. Ïa ki dukan bar jylla ki bym biang ki kot ki sla, ka KSU ka la phah khang khyrdep lut.
