Shillong, Rymphang, 17: Kawei ka dukan die sha bym pat lah ban tip satia ka kyrteng jong ki trai dukan ka la kem ding kynsan ha ka Lah Sngi U Blei ha ka por kumba 1.15 baje noh sngi.
Ha kane ka jingjia, donbok ba ki nongtrei hapoh kane ka dukan die sha ki la lah ban tem noh ïa ka jingklang jong ka ding shwa ba kan pur sa sha kiwei pat ki dukan kiba don markhap da ka jingïarap lang jong kiwei pat kiba shong dukan marjan.
Kat haduh ba la thoh ïa kane ka khubor ym pat lah ban ïoh jingtip ïa ka jingjulor ne don kano kano ka jingjia kaba sngewsih.
