Shillong, K’lyngkot, 14: Ki shipai BSF ha ka Lah Sngi u Blei kiba la ïoh jingtip kaba bniah na ki tnat syntiat ki la ïoh kem ïa uwei u nong India uba donkti ban shalan tuh ïa ki bniat Hati.
Na ka met jong une u nongkhaii tuh, ki shipai BSF ki la ïoh kurup ïa ki bniat Hati ba la thmu ban khaii tuh sha ka ri Bangladesh.
Ïa ki mar khaii tuh la aiti noh sha ka District Forest Office, Baghmara, ban leh katba shah ka aiñ.
Ha ka sngi U Blei, ki shipai BSF jong ka 4 Battalion ki la ïoh bat saw ngut ki mynder Bangladeshi bad lai ngut ki nong India kiba donkti ban pynrung tuh ïa ki mynder Bangladeshi na khapud sha u pud u sam jong ka ri India lyngba ka East Khasi Hills District.
Katkum u kyrwoh, ki shipai BSF ki la ïathuh ba ki saw ngut ki mynder Bangladeshi katba ki dang pyrshang ban jam be-aiñ sha shiliang jong u pud u sam ki la shah bat ha ki shipai BSF.
Ha ka jingtohkit, la lap ba kine ki saw ngut ki la thmu ban wan sah sha India bad ki la pan jingïarap na ki lai ngut ki nong India ban ïarap pynkdew lynti ban ïoh rung sha India.
Ïa ki mynder bad ïa ki lai ngut ki nong India la aiti noh sha ki Pulit ka Dawki Police Station ban leh ïa kaba donkam.
