Shillong, K’lyngkot, 30: Ki shipai BSF jong ka 4 Battalion, Meghalaya, ki la ïoh pynpulom ïa ka jingthmu jong uwei u nong India ban shalan ïa u Soh ñiamtra sha ka ri Bangladesh hadien ba ki la pynsangeh ïa ka kali Bolero kaba kit ïa u soh lyngba ka surok Dawki-Lyngkhat, East Khasi Hills hajan u mawpud ha ka sngi Balang.
Ki shipai BSF kiba la ïoh jingtip na ki tnat syntiat ki la pynap ktem ha kane ka jaka bad ka jingtalasi ïa ka kali Bolero Pickup, la lap ba ka dei kaba kit ïa u Soh ñiamtra da ka jingthmu ban khaïi tuh sha ka ri Bangladesh. U nongñiah jong ka kali uba dei u nong India um shym la lah ban pyni ïa ki kot ki sla halor ka jingkit ïa u soh.
Ïa ka kali, u soh bad ïa u nongñiah la aiti noh sha ka Ophis Custom ha Pynursla ban leh katkum ki jingdonkam jong ka aiñ.
