Shillong, Rymphang, 24: Ki Pulit ka Special Party jong ka Pasteur Beat House ha ka 24 tarik Rymphang, 2025 ki la iohbat ia ki arngut ki briew kiba la tip kyrteng kum u Navin Sunar uba la 42 snem ka rta na Laban hajan iingmane St. John bad u Sanju Sunar uba la 38 snem uba sah ha Barapathar. Ia kine ki arngut ki Pulit ki la ioh bat ha ka thain Polo bad na ka met jong ki, ki Pulit ki la ioh kurup ia ki laptop ba la shah tuh bad kiwei kiwei de ki tiar.
Kine ki arngut ki la phla ha ki Pulit ba ki la prongtuh ha kawei ka ing kaba don hajan ka skul BK Bajoria ha kaba ki la iohrong tuh ar tylli ki laptops bad kiwei de ki tiar.
Nalor kine ki tiar, ki Pulit ki la ioh kurup ruh ia ka Pasport jong ka ri Bhutan kaba dei jong u Jigyel Gyeltshen.
Halor kane, ki Pulit ki la register case ha Laitumkhrah Police Station.
