Shillong, Naiwieng, 23: Ki dkhot ka Khasi Student Union Mairang Circle, ha ka sngi Palei, kaba dei ruh ka Seng Kut Snem jong ka Seng Khasi ki la leit khang khyrdep ia ki ophis bad ia ki Bank kiba plie ha kane ka sngi.
Ka KSU Mairang Circle ha ka por mynstep ka la leit ban khang tala ia ka ophis treikam jong ka Post Office kaba don ha Mairang, kumjuh ruh ki dkhot jong ka KSU Shillong Mihngi Circle ki la leit khang khyrdep ia ka NIFT bad ka NEIAH kiba don ha Mawdiangdiang bad hadien ia ka jingiakynduh ia ki bor ba dei peit la pynsngewthuh ba kin burom ia kane ka sngi khraw jong ka jaidbynriew.
Shuh shuh ka KSU Mawlai Circle ruh ka la leit ban khang ia ki ophis bad ki Bank kiba plie khlem da burom shuh ia ki sngi shuti jong ka jylla.
