Shillong, Naitung 05: Ki ophisar bad ki nongtrei ka Raj Bhavan ha ka sngi Thohdieng ki la pynlong ïa ka jingïalang sngewlem ha Raj Bhavan, Shillong ban pynpaw ïa ka jingsngewsih halor ka jingkhlad ba khlem pat dei por ka Suman Chauhan, ka khun jong u Lat ka jylla Meghalaya, u Phagu Chauhan, kaba la khlad noh na kane ka pyrthei ha kane ka step sngi Thohdieng ha AIIMS, New Delhi.
Ïa kane ka jingïalang la ïalam da u Principal Secretary sha u Lat u Harish Chandra Chaudhary, IFS ha ka jingdonlang u Chief Electoral Officer, u Dr. B. D. R. Tiwari, IAS.
Ka la don ka jingsngap kaba ar minit ban kynmaw ïa kane ka mynsiem kaba la khlad noh.
Hadien ba ka la ïathoh shong kurim bad u Gyanendra Singh Chauhan, ka (L) Smti Suman Chauhan, ka la leit phah sumar na ka jingpang Bampong ha kine ki 3 bnai ba la dep. Ïa ka jinglehburom ba khatduh ha ka sngi Saitjaiñ hapoh ka shnong jong ka kaba ha Prayagraj (Allahabad), Uttar Pradesh.
Ka la iehnoh shadien ïa la ka kurim, u khun bad kawei ka khun kynthei.
