Shillong, ïaïong, 17: Hadien ba ka ophis jong u District Health and Medical Officer (DM&HO) South West Khasi Hills District ka la shim ïa ka jaka kaba heh 40,000 hajar square feet ban tei ïa ka Sub Health Centre ha ka shnong Umjaraiñ da ka jingïateh kular ba yn sa ai kam ïa iwei na ki trai jong ka jaka ban trei ha ka Sub centre hynrei na ka liang jong ka ophis jong u DMHO haduh mynta kam shym la pyntrei kam hok ïa ki jubanlak ba ladep ïateh bad ka trai jaka hynrei haduh mynta la shu thungkam tang kum ka Officiate ym ha ka permanent post kumba ladep ïakut.
Ha ka jingïakren bad ka Kong Shidalin Lyngkoi kaba dei ka trai jaka ka ong ba ka la sdang ban trei ha kane ka Sub Health Centre naduh u snem 2012 hynrei haduh mynta ym shym la pynrung ïa ka ha ka Permanent Post kumba la kular naduh ka sngi nyngkong watla bun bunsien ka la pyrshang ïakren bad u DMHO.
Ha kaba ïadei bad kane, ha ka sngi Palei ka Kong Shidalin Lyngkoi ryngkat ka jingsynran lang jong ki nongïalam ka Federation of Khasi Jaiñtia and Garo People, South West Khasi HilLs District Unit ki la leit ban ïakynduh ïa u Deputy Commissioner jong ka South West Khasi Hills ban dawa ba dei ban ai da ka Permanent Post ïa ka Kong Shidalin kaba dei ka trai jaka kumba ka tnad ka koit ka khiah ka ladep kular naduh kasngi nyngkong.
U President jong ka FKJGP Bah Kenes Sohshang u la ong lada ki bor ba dei peit jong ka South West Khasi Hills District bad ka ophis u DMHO kim shim khia ban ai ïa ka hok ïa ka trai jaka ka seng kam banse ban khang tala shi por ïa ka Sub Health centre tad haduh ban da ïapynbeit shwa ïa ki kynrum kynram bad ki trai jaka.
 | ReplyForwardAdd reaction |
