Shillong, Naitung, 15: Ki khynnah pule barim jong ka Nativity Higher Secondary School, Mawkyrwat South West Khasi Hills District hapoh ka jingïalam jong u President u Bah Kynpham Lyngdoh ha ka sngi Baar ki la pynkup burom ïa ka Banrihun Lyngdoh kaba la ïoh khur ar tylli ki takma ksiar ha ka rynsan ïalehkai National Arm Wrestling Championship kaba dang shu kut shen ha ka jylla Kerela.
Ka Banrihun lyngdoh ka dei ka khynnah kaba dang pule ïa ka Class-IX ha Nativity Higher Secondary School Mawkyrwat bad mynta ka dang don 17 snem ka rta.
Ha ka jingpynkup burom la sakhi lang u Principal jong ka skul u Rev. Fr. Alfonsus Wahlang, ka Headmistress ka Sr. Sabina Maïong, ki nonghikai bad ki khynnah skul.
