Nongpoh, Nailar, 09: Ka Ri Bhoi Youth Developmental and Social Organization (RBYDS) bad ka Meghalaya People Social Organization (MPSO) hadien ba la ïoh jingbit na ka tnat Food Safety bad na ka tnat Pulit jong ka Ribhoi district ha ka sngi Saitjaiñ ki la hiar jurip ïa ki dukan die marbam kum ki dukan ja, ki dhaba bad ki dukan kiba die jingbam khlem da buh ïa ki kyndon katkum ka Food And Safety.
Ha ka jingjurip ïa ki dukan ha sor Nongpoh bad ha ki shnong ba marjan kiba don ha shilynter jong ka surokbah National Highway-06 ki nongïalam jong kine ki ar seng kila lap ba ki don katto katne tylli ki dukan kiba pynkhein ïa ki kyndon aiñ namarba ki la die ïa ki marbam kiba la kut tarik bad ki bym shngaiñ shuh ban dang pyndonkam ban bam.
Halor kane, kine ki ar tylli ki sengbhalang ki la aiti da ujor sha ki Pulit jong ka Nongpoh Police Station bad sha ki bor ba dei peit jong ka tnat Food and Safety ban leh ïa kaba donkam katkum ki kyndon jong ka aiñ pyrshah ïa kine ki dukan.
