Shillong, Jymmang, 02: Ka FKJGP South East Khasi Border Circle hapoh ka jingïalam jong u President samla Kyrmen Shangdiar ha ka sngi Thohdieng ka la khynra trading licence ha ki dukan jong ki bar jylla kiba shong die jingdie ha Hat Mawdon bad ha Ryngku ka la phah khang khyrdep ïa ki dukan jong ki bar jylla kiba khaii khlem ka trading lisence.
Ka seng ka la lap ba ki don ki dukan jong ki bar jylla kiba dang shu dep pynthymmai ïa ki trading license da ka jingai jingbit jong ki bor Hima.
U President jong ka Circle u la kyntu ïa ki bor dei peit naduh ki Syeim, ki Sordar bad ïa ka Khasi Hills Autonomous District Council (KHADC ban pyrkhing bha bad ban tehlakam ruh ban ym ai lad shuh ïa ki bar jylla ban ïoh trading lisence khnang ba ki trai shnong kin ïoh ban seng ïa ki kam ki jam ba ki lah ban trei hi da lade.
“Ka kyrwoh kaba shai na ka seng ka long lada ki bor pynïaid kim lah ban tehlakam, ka seng kan sa shim ïa kiwei pat ki sienjam ban leh lada dang lap ba kum kine ki dang jia bad ïohlad ban buh ïa ki dukan khlem ka jingaibor. Ka seng kan ym shongthait watla ki don kiba pyrshang ban khanglad ïa ka lynti ba ka seng ka don ban leh,” la ong u kyrwoh na ka seng.
