Shillong, Jylliew 21: Ka North Eastern Institute of Ayurveda & Homoeopathy (NEIAH), bad ka Raj Bhavan, Shillong, ka lah rakhe ïa ka 11th International Day of Yoga ha Convocation Hall, NEHU, ha ka sngi Saitjaiñ.
Ha kane ka sngi ïa ka prokram la sdang da kaba pynkup burom ïa i kongsan, Dr. M. Ampareen Lyngdoh, kaba dei ruh ka myntri jong ka tnat ka Koit ka Khiah bad ka ka tnat Information and Public Relations Dept., Law dept., Agriculture and Farmers Welfare Dept., Government of Meghalaya, bad ïa u Dr. B.D.R. Tiwari, IAS, Commissioner & Secretary u Lat ka jylla.
Ha ka jingkren pdiang burom jong u Dr. B.D.R. Tiwari, u lah pynpaw ïa ka jingdonkam ka yoga bad ka bynta jong ka NEIAH ha ka ban pynsaphriang ïa ka Yoga.
U Prof. (Dr.)?Vijay Kumar, Director (i/c), NEIAH, ha ka jingkren jong u u lah kyntu ïa ki samla bad pynshai ïa ka jingmyntoi ka jingleh Yoga na bynta ka jingkoit jingkhiah ka met bad ka jingmut jingpyrkhat.
Kum shi bynta jong ka programme lah pynlong ruh ïa ka Common Yoga Protocol da ki nongleh Yoga ba lah tbit.
Ha ka jingkren jong i Kongsan, I Dr. M. Ampareen Lyngdoh, I lah ban ïa ka jingdonkam ban pynsaphriang ïa ka yoga ha ka imlang sahlang bad hapoh ka shnong kylleng, na ka bynta ka Ri ban pynmih ki khun samla kiba koit ba khia ha ka met bad jingmut jingpyrkhat.
Lah bud ruh da ka jingsam prize ïa ki nongshim bynta ha ki competition bapher bapher.
Lah pynkut ïa ka jingïalang da ka jingkren khublei na u Dr. Pradip Mohurle, u Organiser jong ka IDY 2025, NEIAH.
La ong ba ha ki bnai ba lah dep lah pynlong ruh ïa ka jingsam ïa ki1500 tylli ki jingthung sha ki college bad office ban pynkiew ïa ka jinglong jingbha jong ka mariang. Ki Competition kum ka Yoga Asana, painting bad photography. Ka Yoga Protocol Demonstrations ba lah pynlong ha ki skul, ki college, ki office bad ki jaka jngohkai pyrthei ha kylleng ka jylla Meghalaya.
Ki jingkren shaphang ka Yoga ha All India Radio bad Doordarshan Shillong, ban pynsaphriang ïa ka jingmyntoi jong ka yoga, nalor kiwei kiwei pat ki prokram.
