Shillong, K’lyngkot, 17: U MLA barim jong ka Umroi Constitunecy Bah George B. Lyngdoh ha ka Sngi Thohdieng u la pynbna ba un ïakhun kum u kyrtong shimet jong ka Umroi Democratic Front na Umroi Constituency ha ka elekshon MDC ka ban sa long ha ka 21 tarik Rymphang, 2025.
Ka jingshim rai jong u Bah George ban ïakhun ïa kane ka elekshon ka long hadien ba u Bah M.D. Syiem ula kyntait ban ïakhun kum u kyrtong ba la tyrwa da ka Umroi Constituency Progressive Forum (UCPF) hynrei u la pynïasoh pynban sha ka seng Congress ban ïakhun ïa ka elekshon.
Ha ka jingïalang kaba la long ha Umroi Umdohbyrthih, la sakhi lang da ki nongkyrshan jong u Bah George B. Lyngdoh, bad u Bah Arbinus Lyngdoh uba dei u MDC barim jong ka Umroi.
Ka jingshim rai jong u Bah George ban ïakhun ïa ka elekshon MDC ka long hadien ba la ioh ïa ka jingkyrshan na ka kynhun kaba ïalam da u Bah Arbinud Lyngdoh uba long u MDC barim ka Umroi uba la shah pynduh tiket ha ka seng Congress.
