Shillong, ïaïong, 09: Ki shipai BSF ka Meghalaya Frontier kiba la ïoh jingtip na ki tnat syntiat ki la pynlong ka jingkhynra ha ka sngi Baar ha shilynter ka khappud India-Bangladesh.
Ha ka jingkhynra, ki shipai BSF ki la ïoh kurup 36 tylli ki masi bad bun bah ki mar ba la thmu ban khaïi tuh ba kynthup ïa ka shini, ki jingtah khmat bad kiwei kiwei ki mar kiba kot T. 16,98,000 lak ïa kiba la thmu ban shalad na khappud sha ka ri Bangladesh.
Ïa ki mar khaïi tuh bad ïa ki masi la aiti noh sha ka ophis Custom bad sha ki Pulit ka Jylla ban leh ïa kaba donkam katkum ka aiñ.
Ha kawei pat ka jingpynap ktem, ki shipai BSF ki la ïoh bat ïa uwei u mynder Bangladeshi uba la wan rung beaiñ shapoh ka ri India lyngba ka khappud jong ka South Garo Hills.
Ïa une u mynder ri la aiti sha ki Pulit ka Baghmara PS ban leh ïa kaba donkam katkum ki don aiñ.
