Shillong, Nailur 14: Ki shipai BSF ki la ïoh ban kurup haduh 64 tylli ki muid ha khappud bad ka Bangladesh ha West Jiantia Hills District ia kiba thmu ban khaïi beaiñ sha ka ri Bangladesh lyngba ka khappud Meghalaya.
Ki shipai BSF tang shu ïoh jingtip ba don ki briew kiba ñiah ïa ki muid sha khappud ban rung sha Bangladesh, ki la pynap shrip bad ïoh kurup haduh 64 tylli ki Muid. Ia ki muid ba la ioh kurup la aiti noh sha ki Pulit ban leh ïa kaba donkam katkum ka aiñ.
Ki BSF ki la ïoh bat ïa kawei ka kali Bolero ha khappud Bangladesh ha East Khasi Hills District kaba dang thmu ban khaii tuh ia ka shini sha ka ri Bangladesh.
Na kane ka kali ki shipai BSF ki la ïoh kurup 12,000 hajar kilo ka ïa ka shini.
Ki shipai BSF kiba ju pahara ïa ka khappud bad ka ri Bangladesh ki la khanglad ïa ki jingïakhaiï beaiñ. Naduh u bnai Kyllalyngkot 2024 ki la ïoh kurup 800 tylli ïa ki masi bad ki muid bad 2310 ton ka shini.
