Shillong, K’lyngkot, 25: Ki shipai BSF ka 4th Battalion, Meghalaya kiba la ïoh jingtip na ki tnat syntiat ha ka jingkhynra ki la ïoh ban kurup bun bah ki jingsleh durkhmat kiba shongdor palat T.. 49.5 lakh ha khappud jong ka Indo-Bangladesh ha East Khasi Hills District.
Ïa kine ki mar khaii tuh ba la buhrieh bha ha kawei ka khlaw bym pat ker sainar shiah ki shipai BSF ki la ïoh ban kurup ha ka janmiet sngi Saitjaiñ.
Ki shipai BSF ki la ïoh jingtip ba ïa kine ki mar khaii tuh la buhrieh da ki snar nongkhaii tuh da ka jingthmu ban shalan beaiñ sha ka ri Bangladesh ynda la miet. Kine ki jingsleh durkhmat ki ïaid iew bha sha ka ri Bangladesh namarba ki long kiba duna dor. Namarba ka jingdawa ka jur bha, ki snar khaii tuh ki la shim kabu ban shalan tuh lyngba ka khappud.
Ïa kine ki mar khaii tuh la aiti noh sha ka ophis Customs ha Pynursla na ka bynta ban leh ïa kaba donkam katkum ki kyndon jong ka aiñ.
