Shillong, K’lyngkot, 05: Ki shipai BSF kiba ap pahara ha khappud ka Indo-Bangladesh ha East Khasi Hills ha ka sngi Saitjaiñ ki la ïoh kem ïa uwei u nong India bad kurup saw tylli ki mini-truck ba la thep ïa ki mar khaïi be-aiñ kiba shongdor T.28 lak.
Kine ki mar khaïi tuh ki kynthup ïa u Jeera, ka kiad, u sla sha, ki dohkha tyrkhong, ka sabon, rynsun, panipuri, nep syaid bad kiwei kiwei ki mar ïa kiba la thmu ban khaïi tuh sha ka ri Bangladesh.
Ïa uba la shah kem bad ïa ki mar khaïi tuh la aiti noh sha ka ophis Custom ban leh ïa kaba donkam katkum ki kyndon jong ka aiñ.
Ki shipai BSF ki la pynjur ïa ka jingpeitngor bad ka jingpynap shrip ban khanglad ïa ka jingkhaïi tuh ïa ki mar ki mata lyngba ka khappud sha ka ri Bangladesh.
