Shillong, Naiwieng, 27: Ki shipai Border Security Force (BSF) ha ka sngi u Blei ki la pynpulom ia ka jingthmu jong ki snar khaii tuh ban khaii beain sha ka ri Bangladesh ia ki jait tiar bapher bapher kiba shongdor palat 11 lak tyngka.
Da ka jingai jingtip jong ki tnat syntiat, ki shipai BSF Meghalaya ki la pynlong ia ka jingap ktem ha khappud ha kaba ki la ioh kurup ia ki muid, ki dawai jyrhoh Phensedyl, ka shini, ki jaiñ bad kiwei kiwei ki jait tiar.
Ia kine ki mar ba la kurup la aiti noh sha ka ophis Custom ban leh ia kaba donkam katkum ki kyndon jong ka aiñ.
