Shillong, ïaïong, 14: Ryngkat lang bad ka ri India baroh kawei, ki nonghikai bad ki samla pule jong ka ICFAI University, Meghalaya ha ka 14 tarik, Ïaiong, 2025 ki la rakhe kynmaw burom ïa ka lyngkhuh sngi kha kaba 135 snem jong u Dr Bhimrao Ramji Ambedkar, uba long u nongpynwandur ïa ka Riti Synshar jong ka Ri India.
Ïa ka history ba lyngkot halor ka jingim jong u Dr. BR Ambedkar la ai jingkren da u Advocate Hamar R. Wanshong kynthup ruh ka jingkren na ka Vice Chancelllor jong ka Univerity ka Dr. Alicia Gatphoh ha ka jingïalang kaba la ïashim bynta lang da ki samla pule jong kane ka skulbah kaba don ha nongbah Shillong.
