Shillong, Naiwieng 30: Ka National People’s Party (NPP) ka la kyntu ïa ka Sorkar Pdeng ban bishar biang ïa ka jingkyntait ban ai Visa ïa u Rev Franklin Graham, uba dei ruh u nongïalap, uba la thmu ban leit ïuhkjat ha ka jylla Nagaland.
Ha ka shithi ba la phah sha u Myntri ka tnat External Affairs Minister, u Working President jong ka NPP u James PK Sangma u la pynpaw ïa ka jingsngewkhia halor kane da kaba ong ba kane ka la wanrah ka jingeh ïa kiba trei ha ka imlang shalang bad kumjuh ruh ki nongïalam balang.
“Ka jingleit jngoh jong u Rev. Franklin Graham ka long ban pynthymmai ïa ka jingim mynsiem bad ka jingïatylli ki paid Naga bad ïa ki paidbah ha ka thaiñ Shatei Lammihngi,” la ong u Sangma.
