Shillong, Nohprah, 23: U MLA jong ka North Shillong Constituency u Bah Adelbert Nongrum ha ka 22 tarik Nohprah 2025 u la kyntu ïa ka sorkar MDA ba la ïalam da ka NPP ba kan pynstet noh mardor ban pynkynriah ïa ki 342 tylli ki longiing na them Iew mawlong.
Ha ka jingïakren bad ki lad pathai khubor u Bah Adelbert u la ong ba ka Sorkar ka dei ban shim ïa ka jingkitkhlieh khlem da pynslem shuh ïa kane ka kam kaba la sah pongding, da kaba pynpaw ba ka jingsah beain bad ka rukom long ba isaitmet ha ka shong ka sah ka buh jingma ïa ki briew wat ha ka koit ka khiah.
U la ong ba um shym la ïapeiñ satia halor kane ka ishu wat ha ka elekshon 2023 bad u la bteng ban kren ïa kane ka mat watla um shym la shah kynthup lang ha ka High-Level Committee ba la thaw da ka Sorkar Jylla.
Kum ban shu pyntip, ka Iingbishar Meghalaya High Court ka la buha sngi ban shong bishar biang ïa kane ka mukotduma tang shu kut ka shuti lang namarba kane ka kam ka dang sah pohding hapoh ka Division Bench.
Ka iingbishar kham mynshwa ka la pynpaw ïa ka jingkyrmen ba yn dup lah ban pynbeit noh ïa kane ka kam, da ka jingïakren sngewthuh jingmut hapdeng ki arliang mamla kaba dang ïaid mynta shakhmat.
