Shillong, Jymmang, 23: Ka Jaiñtia Students Union (JSU) Shillong Circle hapoh ka jingïalam jong u samla Aibanhun Suchiang uba long u nongpeit ïa ka tnat treikam jong ka ka JSU Shillong Circle u la leit ban ïakynduh ïa ka Acting Vice Chancellor jong ka skulbah NEHU ka Prof. Sherwin May Sungoh ban pynpaw ïa ka jingai jingkyrshan ïa ka bad ïa ka Academic Council jong ka skulbah.
Kane ka jingai jingkyrshan jong ka JSU Shillong Circle bad ka JSU Seng Kmie ka long hadien ba la ïohi ïa ki kynrum kynram hapoh ka skulbah NEHU ha ki bnai ba la leit noh hapoh ka jingïalam jong u Vice Chancellor Prof. P.S Shukla kaba la pynmih ïa ki kynrum kynram hadien ka jingpyrshah jong ka NEHU Student’s Union ïa ka jingtreikam jong u Prof. Shukla.
