Shillong, Nohprah, 16: Ka District Magistrate, East Khasi Hills District ka la pynmih da ka hukum katkum ka kyndon 163 BNSS kaba khang pyrshah ïa ki kali kit mar kiba heh, kiba kit palat ïa ka 9 MT ba kim bit ban ïaid ha surok Thangsning-Thynroit-Mawpyrshong bad ha surok Mawkynrew-Mynsang-Jatah.
Kane ka hukum ka long kaba donkam hadien ba la mih ki khubor ba ki kali kiba la kit palat ki ïaid lyngba ki surok ba la kdew haneng hapoh ka Mawkynrew C & RD Block kaba wanrah ïa ka jingjulor kaba jur ha ki surok PWD bad ki surok shnong kaba lam sha ka jingsniew jong ki surok bad kaba buh jingma ïa ki nongleit nongwan bad ki nongshong shnong lada ym lah ban pynbeit ïa ka jingshngaiñ jong ki paidbah.
La lap ïa kino kino kiba pynkheiñ ïa kane ka hukum kin shah pynshitom hapoh ka Section 223 jong ka BNS bad hapoh kiwei kiwei ki kyndon jong ka aiñ
Kane ka hukum kan treikamk noh mardor bad tad haduh ban da pynmih da kiwei pat ki jingpynbna.
