Shillong, Jymmang, 10: Ka Pyndengrei Social & Cultural Sport Club ka la pynhap pyrda noh ïa ka lympung ialehkai 1st Ron Sing & Anthony Knock-Out Open to All Basket Ball Tournament ha kaba ka Dubakh ka la ïoh rah ïa ka nam lahduh ha ka liang jong ki kynthei bad ka LFA ha ka liang jong ki shynrang.
Ha ka jingïakhun Final kaba la long ha madan St. Peter’s Basketball Court, Pyndengrei, ka jingiakhun ha ka liang jong ki kynthei ka la long hapdeng ka Dubakh na Shillong pyrshah ïa ka Pdengshnong na Pyndengrei ha kaba ka Dubakh ka la lah ban pynliem noh ïa ka Pdengshnong da 60 la 18 Basket.
Katba ka jingïakhun phainal jong ki shynrang ka LFA na Pyndengrei ka la lah ban pynliem noh ïa ka SYM na Shillong da 77 la 69 Basket.
Ïa kane ka lympung la pynhap pyrda da u MLA jong ka Nongstoiñ u Bah Gabriel Wahlang ryngkat ka jingïadonlang u Sordar ka shnong Pyndengrei Bah M. Marweiñ, u President ka Sport Club u samla Kynsai K.Bani bad kiwei kiwei.
Ha kane ka sngi ka Sports Club ka la pynlong ruh ia ka jingai jingsumar ei sha ki paidbah.
